Првутот е често среќавана состојба на скалпот која се карактеризира со чешање и појава на бели лушпи мртва кожа. Еве неколку начини за ефективно справување со проблемот:
Масажа со растителни масла: сувата кожа и слабата циркулација на скалпот се едни од основните причини за појава на првут, па затоа ви препорачувам масажа со загреано растително масло на пример – кокосово, масло од орев, кантарион на кое ќе додадете и лимонов сок. Откако добро ќе го измасирате скалпот, оставете маслото да делува 20 минути, па измијте ја косата.
Откако ќе ја измиете косата треба да ја исплакнете со бршленов раствор. Потребни ви се 2 лажици исецкан свеж бршлен кој треба да се вари 15 минути во половина литар вода. После растворот косата не треба да ја миете повторно, а да оставите да се исуши со растворот.