Позната ни е убавината на Малдивите… Овој пат, Ве водиме на уште едно рајско место од Малдивите, кое има преубави песочни плажи и преубав поглед кој ќе Ве фасцинира…Станува збор за островот Kuramathi.
Како скапоцен смарагд во тиркизните води, помеѓу бујната вегетација и преубавите плажи се наоѓа и хотелот Kuramathi. Луксузниот хотел содржи девет видови вили, кои се олицетворение на една, единствена комбинација на стил и современа локална традиција. Хотелот има три главни ресторани, каде гостите се послужуваат во стил на шведска маса за појадок, ручек и вечера. Покрај тоа, постојат и шест ексклузивни ресторани, павилјон за романтични вечери и шест барови кои нудат тропски и класични коктели. Гостите исто така можат да резервираат приватен пикник во било кој дел од островот. Луксузните спа бањи, едноставно ги воодушевуваат сите гости.
Погледнете ја следнава галерија, која ќе Ве покани да бидете добредојден гостин на едно од најубавите места во светот.
