Излегувањето на новата верзија на Tomb Raider е поместено од есен оваа година, во првиот квартал на наредната година, пишува Joystiq.
Дерел Галагер од Crystal Dynamics вели дека фактот дека играта ќе биде одложена ќе донесе подобар квалитет и ќе ја доведат играта до „нивото кое кориснциите го заслужуваат”.
„Работиме на потполно нови работи во оваа игра и дополнителното време за развој ќе ни овозможи да ставиме финален слој и да ја усовршиме играта”, изјави тој.
„Веруваме дека ова е вистински избор и ви гарантирам дека ќе вреди да се чека”.
До првите детали за играта нема да мора да се чека многу, бидејќи е најавено дека во јуни, на конференцијата Е3, играта ќе биде претставена.