Римејк на бруталниот хоро филм “Maniac” од William Lustig од 1980 година, го доби својот прв трејлер. Elijah Wood, засега најпознат како Frodo од филмот “The Lord of the Rings”, уште еднаш после неговата одлична изведба во “Sin City” ќе глуми пореметен убиец.
Како што пренесуваат од Empire, во овој хорор филм постојат многу елементи од познатиот филм “American Psycho”, но според трејлерот изгледа дека е изоставен било каков елемент на хумор. Ликот на Elijah, Frank во филмот врши трговија на стари кукли, а во слободното време скита низ градот, наоѓа жртви и потоа ги скалпира.
Филмот е во режија на Frank Khalfoun, а сценариото и продукцијата се потпишани од мајсторот на хорор филмовите Alezandre Aja & Gregory Levasseur. Премиерата на филмот ќе биде во Кан, а во кино салите се очекува во 2013 година.