За децата кои конзумираат големи количества млечни производи како млеко и сирење, шансите да живеат подолго се поголеми, според резултатите од последната британска студија.
Околу 5000 деца родени во триесетите години на минатиот век биле анализирани 65 години покасно од специјалисти од универзитетот во Бристол.
Студијата покажала дека луѓето во чија исхрана биле доволно застапени млечните производи биле доста поотпорни на многу болести како инсулт, инфаркт и други болести кои можат да завршат фатално.
Зголемената конзумација на калциум е поврзана со намалување од 60% на опасноста од мозочен удар. Експертите откриле исто така дека и покрај високата концентрација на масти во млечните производи, тие не претставуваат опасност за срцето и крвните садови.
Експертите советуваат дека чаша млеко, чаша кисело млеко и парче сирење ги обезбедуваат дневните потреби од калциум.