Шефовите да не им се јавуваат на вработените за време на викендите!

За време на викендите вработените треба да се одмараат, а не да се јавуваат на службениот телефон или да ја следат електронската пошта.

Германската министерка Урсула Лајен побарала вработените во таа земја да се ослободат од работните обврски за време на викендите.

Таа од компаниите побарала јасни правила во врска со користење на службените телфони и користењето на електронската пошта.

Според министерката со договори треба да се утврди кога вработените треба да бидат достапни на службените телефони и да одговараат на мејловите.

„Несмее техниката да владее со нашите животи, туку ние со техниката“, изјавила министерката. Таа за крај додала дека треба да се почитува законот за вработување, кој има става и за грижа за психичкото здравје на вработените. Компаниите треба да се водат според тој закон и мораат да ги заштитат своите вработени од преголемо оптеретување, а доколку не го направат тоа им следува казна.