Луѓето кои имаат постојан достап до интернет се изложени на поголем ризик од пореметување на сонот, стрес и симптоми на психички болести, потврди екипата од универзитетот во Гетеборг, Шведска.
Основниот совет на експертите е да ги користите новите технологии поумерено. Екипата направила четири експерименти за влијанието на интернет врз младото поколение. Заклучокот е дека интензивната онлајн комуникација ги изложува луѓето, особено младите на депресија и други психички проблеми.
Експертите утврдиле уште, дека се поголем број луѓе сурфаат и во текот на ноќта. Се препорачува сите ние да го ограничиме времето поминато пред монитор. Ако работите цел ден пред компјутер, тогаш останатиот дел од денот искористите го за прошетка во природа, или слично, но во никој случај не повторно пред компјутер.