Пивото содржи материи кои го спречуваат создавањето на масни наслаги и ја зголемуваат мускулната маса, објавија експерти од Швајцарија.
Молекулата чудо – никотинамид рибосид која беше откриена во млекото ја има исто така и во пивото и некои видови храна. Нема странични ефекти и се смета дека го продолжува животот.
Единствениот проблем е дека молекулата многу тешко може да се синтетизира, што е воедно и доста скап процес.
Експертите направиле експеримент со глувци. Тие откриле дека гризачите кои биле ставени на диета богата со масти, но им додале и ваква молекула, ја покачиле својата тежина 60% помалку за разлика од другата група која се хранела исто, но без оваа молекула. Исто така глувците на кои е даван НР во тек на десет седмици, биле во многу подобра физичка кондиција од останатите.
Молекулата навлегувајќи во клетките ја олеснува размената на материи, ја подобрува работата на митохондрите кои се поврзани со процесот на стареење.