Infiniti најави дека на престојната манифестација „ The Goodwood Festival of Speed” која се одржува во Британија од 28 јуни до 1 јули, ќе учествува со нов спортски електричен авотмобил Emerg-E, а со овој прототип ќе управува возачот на Формула 1, Марк Вебер.
Овој автомобил како концепт беше претставен во Женева оваа година. Станува збор за електрично возило со зголемен досег на движење со погонски систем кој се состои од два електрични и 1.2 литарски трицилиндричен бензински мотор.
Погонскиот систем располага со 408 КС, што на овој автомобил му овозможува достигнување на брзина од 0 до 100 км/ч за 4 секунди.
Emerg-E за движење користи електрична енергија, а кога ќе се испразнат батериите се активира бензинскиот мотор кој служи како генератор за електрична енергија.