Џоди Марш во британското шоу ‘This Morning’ зборувала за своите тетоважи кои едноставно ги обожува.
Оваа набилдана убавица, позната по работата како модел, во моментов е бодибилдерка. Своето тело го украсила со повеќе од сто тетоважи, па затоа и била совршен соговорник на темата “тетоважи – добар или лош вкус?”.
Погодувате, Џоди верува дека тетоважите се за оние со одличен вкус, па дури и животна приказна. Изјавила дека на нејзината рака е раскажана нејзината животна приказна и тоа преку истетовирани слики.
“Имам истетовирано работи кои им припаѓале на моите родители, Харли, кој го возев, фотоапарат”, се пофалила Џоди. А ја покажала и омилената тетоважа која ја содржи пепелта од покојната баба.
“Откако почина, нејзината пепел ја ставив во мастило за тетовирање и на левата нога ги напишавме зборовите ‘Little Nan’. Сега се чувствувам како да е со мене засекогаш”, раскажала 33 годишната бодибилдерка и открила уште нешто за овој свој, бизарен чин.
“Кога размислувавме каде да ја истуриме нејзината пепел ова ми се виде најдобра идеја. Некои предложија да ја истуриме во градина и да посадиме дрво околу неа. Но, во случај на ндредени градби дрвото ќе се исече и целата идеја ќе пропадне. Затоа одлучив да биде засекогаш со мене. Така најдобро ќе го чувам споменот за неа”, изјавила Џоди која, мора да признаеме дека својата баба пемногу ја сакала.
