Американските астрономи откриле соларен систем сличен на нашиот.
Тимот на астрономи предводени од д-р. Роберт Санчис Охед откриле со телескопот Кеплер соларен систем кој е сличен на нашиот. Во него три планети орбитираат околу сонцето наречено Кеплер 30, а една од нив наликува на Земјата.
„ Кај Кеплер, 30, оддалечен околу 1.200 светлосни години, откривме три планети кои имаат орбити слични на планетите во нашиот сончев систем. Кеплер 30 е речиси идентична со нашето Сонце“, изјавил Роберт.
Тимот сега ќе се обиде да открие дали на планетата која е слична на нашата Земја има вода или некои други хемиски соединенија.