Кјото е град каде ќе ја пронајдете вистинската Јапонија. Зен градините, колиби меѓу бамбуси, храмови, гејши, златни храмови кои пловат по вода. Навистина сите слики од Кјото потсетуваат на оние најпопуларните слики од Јапонија кои се врежани во нашите фантазиии.
Кјото е седиште на јапонската традиционална култура и место каде се случиле големи значајни настани во историјата на Јапонија. Со 17 локации кои се заштитени од УНЕСКО, повеќе од 1600 будустички храмови, Кјото е еден од најбогатите градови во светот кога станува збор за културата.
Кога ќе стигнете во овој град немојте да мислите дека се што сте прочитале е лажно. Убавините на овој град се скриени позади ѕидовите, вратите, фасадите, завесите. Кога ќе почнете да истражувате и да ги посетите вистинските места ќе посакате засекогаш да останете таму.
