Американскиот уметник Еван Вондоловски има навистина уникатен талент – тој создава портрети на познати личности од исецкани банкноти.
За оваа цел тој не користи свои пари, туку ги користи банкнотите кои ги уништуваат Американските Федерални Резерви. Станува збор за оштетени банкноти кои Федералните резерви на САД ги уништуваат при емисија на нови банкноти.
Еван вели дека изработката на овие портрети е навистина макотрпна, а за секој портрет му е потребен повеќе од еден месец бидејќи секое парче се лепи одделно. Тој досега има изработено портрети на Џорџ Вашингтон, Биги Смолс, Стивен Колберт и други, а планира и да започне да изработува портрети на познати глумци и политичари од денешницата.
