Иако нејзината “флуктуирачка” тежина секогаш привлекуваше внимание кое пејачката баш и не го посакувала, Кристина Агилера сега конечно зборувала за своите килограми.
“Секогаш се оптеретував со тоа дека морам да бидам многу слаба така што сега всушност ми се допаѓаат моите облини, бидејќи ги прифатив и ги засакав, а не морам повеќе да внимавам што јадам и колку килограми имам”, изјавила Агилера за списанието Lucky кое излегува во октомври.
Пејачката има дури и совет за полните жени.
“Доколку имате облини и можете да се носите со нив и сте полни со самодоверба – тоа значи дека сте совршени”, изјавила таа.
Кристина за овие фотографии се појавува во транспарентен црн топ и тексас елек.
Оваа ѕвезда, која прв пат славата ја вкусила како дел од Mickey Mouse Club во 1993 година го коментирала и својот имиџ во поп светот кон крајот на 1990 година.
“Кога си млад, лесно те наговараат на се. Со мене тогаш работеа две жени кои сакаа да изгледам како Барби кукла. Беше одвратно” признава Агилера.
Кристина наскоро ќе објави нов албум кон крајот на оваа година.
“Оние кои го сакаат албумот Fighter, ќе го засакаат и мојот нов албум”, изјавила 30-годишната пејачка и додала дека станала свесна за својата независност и било навистина интересно да се истражува во новите песни.
