‘За новиот електричен автомобил Rimac Concept_One се вртат глави. Не само поради брзината, туку и поради тоа каде се произведува”, јавува CNN.
CNN претстави видео-прилог за хрватскиот електричен автомобил Rimac Concept_One. Како изненадено известува CNN, “овој прототип не доаѓа од Детроид, Германија, па дури ни од Јапонија, туку од мала фабрика во Хрватска”.
Мате Римак, 24-годишен претприемач и дизајнер, тврди дека неговиот Concept_One е најмоќниот електричен автомобил кој е некогаш направен и дека истиот нема директна конкуренција. Всушност, фасцинантниот Concept_One има 1088 KS, а од 0 до 100 km/h забрзува за само 2,8 секунди.
Младиот Римак започнал бизнис во гаража, а во моментов има фабрика која брои околу дваесетина вработени. Неговата желба, како што изјавил за CNN е производство на автомобили на иднината во Хрватска.
Планираното производство на електрични автомобили Rimac Concept_One е 15 автомобили годишно. Кралското семејство од Абу Даби веќе испратило барање, а првиот Concept_One ќе биде испорачан во почетокот на следната година.
