Автосалонoт во Париз работи под полна пареа. Токму сега бисер на изложбата е овој азурен Mercedes-Benz SLS AMG Coupe Electric Drive, кој освен тоа што е исклучително убав, претставува и најмоќен автомобил од серијата AMG досега.
Како што самото име на автомобилот кажува, тој не е придвижуван од бензински мотор, туку преку електрична енергија. Четири електрични мотори, по еден на секое тркало, се комбинираат и го прават моќен овој суперавтомобил со 740 коњски сили и максимален вртежен момент од 1000 Нм.
SLS Electric Drive може да качи од 0 до 100 км / ч за 3.9 секунди. Само за споредба конвенционалниот SLS AMG GT со бензински мотор и 583 коњски сили постигнува забрзување за 3.6 секунди.
Целосно електричниот SLS е опремен со систем за наплата на кинетичка енергија (KERS), која е развиена и се користи од страна на тимот во Формула 1 – Mercedes-AMG. Освен тоа , Mercedes специјално дизајнира систем за полнење во домашни услови, што овозможува полнење на акумулаторот на овој ѕвер за само три часа. Без овој систем батеријата на автомобилот се полни за 12 часа.
Системот за полнење не оди во комплет со електричниот суперавтомобил, но ако можете да си дозволите 416 500 евра, колку што е и цената на Mercedes-Benz SLS AMG Coupe Electric Drive, тогаш сигурно ќе можете да си го дозволите и системот за полнење.
Од компанијата -производител го нарекоа SLS Electric Drive “најспецијалниот и динамичен електричен автомобил кој може да се купи”. Но, оваа азурна хромирана боја го прави и најатрактивен за купувачите.