И покрај тоа што на нашите простори автокината никогаш не заживејаа, сите сме ги виделе во американските филмови, а ако сакате да гледате филм од автомобил, тоа наскоро би можело да биде полесно од било кога.
На саемот на автомобили во Париз претставен е Smart Forstars 2013. Проекторот се наоѓа на предниот дел на возилото, во маската, а сликата од проекторот стандардно се проектира на било каква чиста, рамна површина, така што во атмосферата од автокината можат да уживаат патниците во автомобилот. На пример, во својата гаража или пак на ѕид од зграда можете да проектирате слика и да уживате во големиот екран.
Smart Forstars 2013 е концепт автомобил претставен на саемот за автомобили во Париз. Се работи за електрично возило, за кое од Smart тврдат дека тоа ќе биде најефтиниот автомобил на европскиот пазар во оваа категорија.
Со овој автомобил “одењето во кино” добива целосно нова димензија, а секако е поефтино од одење право во кино, а и на тој начин можеби ќе ја освоите саканата личност.