По долги шпекулации за можниот помал модел на познатиот бестселер, веста за Galaxy S3 мини е официјално потврдена.
Премиерата на новиот смартфон со некои од карактеристиките на “постариот брат” – Galaxy S3 – ќе биде одржана денес во Германија. Веста официјално беше потврдена од претседателот на Samsung, кој навел и неколку причини за промовирање на ваквиот телефон.
Европскиот пазар во моментов е во потрага по паметни телефони, чиј дијагонален дисплеј има околу четири инчи и Samsung тоа ќе ни го понуди. Galaxy S3 мини ќе биде исогласен со мрежни услуги кои најмногу се користат на овој континент и цената ќе биде многу прифатлива.
Што се однесува до карактеристиките, токму сега дознавме дека тоа ќе биде смартфон со ST-Ericsson U8420 чипсет со dual-core процесор на 1GHz со 1 GB RAM меморија.
Внатрешната меморија ќе биде 16 GB со микроSD СЛОТ, со quad-band 2G и три-band 3G поддршка со брзина на интернет до 14.4Mbps HSDPA на корисникот и до 5.76 HSUPA од корисникот. Тука се уште и dual-band Wi-Fi a/b/g/n мрежа со DLNA поддршка, Bluetooth 4.0, NFC и секако microUSB.
Samsung Galaxy S3 мини доаѓа веднаш со Android 4.1 Jelly Bean софтвер, со Samsungov TouchWiz интерфејс, инаку камерата ќе има резолуција од 5 мегапиксели и LED блицм способна да сними 720p HD видео, а батеријата ќе биде со капацитет од 1.500 mAh.