Владимир Фомин од рускиот град Кинешма, во најмала рака е многу посебен човек. Во својот крај тој станал легенда откако пред неколку години бил избркан од Универзитетот за наука бидејќи одбил да носи панталони. Наводно, неговата љубов према женската облека е многу поголема од љубовта кон математиката.
-Јас не сум хомосексуалец ниту пак травестит. Не го правам ова за да привлечам внимание. Мојата филозофија е многу едноставна и јасна. Ако жените можат да носат панталони, тогаш зошто ние мажите не треба да носат здолништа?, истакнал Фомин.
Некогаш Фомин бил сосема обичен маж, кој носел панталони. Има жена и деца, но откако неговата страст за здолништа земала залет, тој останал сам. Освен жената и децата, го напуштиле и пријателите. Сепак тој никогаш не се откажал.
44 годишниот Владимир е моментално невработен, но поголемиот проблем се физичките и вербалните напади, кои често ги трпи. Моментално живее од она што му е засадено во градината.
