Москва – Бившата соло балерина од театарот Болшој во Москва Анастасија Волочкова го обвини театарот бидејќи според нејзините зборови ги принудувале балерините да спијат со богати господа.
„Тоа најчесто се случува со обичните балерини, но и со соло балерините. За жал генералниот директор го претвори Болшој во една елитна јавна куќа, изјавила Волочкова гостувајќи во радио емисија во неделата.
„Пред десет години кога настапував во театарот постојано добивав понуди да спијам со истакнати олигарси“, рекла таа.
Волочкова тврди дека девојките биле принудувани да одат на гала настани при што им било ставено до знаење дека после тоа од нив се очекува да одат во кревет со човекот што ќе ги повика и да имаат секс.
