Вашингтон – Американскиот нуклеарен физичар Чарлс Хол тврди дека вонземјани постојат и дека често ја посетуваат нашата планета.
Хол е истакнат автор во областа на научната фантастика но тврди дека неговите дела се маскирана фикција бидејќи не сака да ја загрози безбедноста на на луѓето и вонземјаните за кои пишува.
Хол вели дека за прв пат имал близок контакт со вонземјани во 1964 година во воената база во Невада. Првиот вид што го запознал биле високи и бели суштества, за кои вели дека наликувале на ангели или духови. Биле високи околу 2,5 метри. Според него Земјата ја посетуваат уште две врсти, едните биле мали и сиви, а другите наликувале на луѓето од нашата планета.
Вонземјаните наводно имаат технологија со која можат да патуваат побрзо од светлината. Авторот тврди дека војската на САД сеуште ги чува во тајност фактите за нивното постоење бидејќи луѓето сеуште не се емоционално подготвени за такво откровение.