Осудениот Луис Тејлор одлежал 40 години затворска казна поради еден од најстрашните пожари во историјата на Аризона каде погинаа 29 луѓе.
„Станува збор за две големи трагедии – пожарот во хотелот и мојата пресуда“, изјавил Тејлор пред медиумите после излегувањето на слобода.
Тејлор деновиве наполнал 59 години, а во 1970, на 16 годишна возраст бил осуден на 28 доживотни затворски казни, додека тој цело време тврдел дека е невин.
Тејлор кој е афроамериканец верува дека поротата погрешно го осудила бидејќи била составена само од белци но и поради грешките на полицијата да ги преиспита и остантите осомничени.
Извештајот од тоа време зборува дека Тејлор помагал да се спасат луѓето од пожарот, а покасно истата ноќ бил уапсен.
Во меѓувреме судиите кои го воделе процесот јавно изразиле сомнеж во пресудата и останале во контакт со него.
