Очи полни, бран да бранат
Солзи печат, болка хранат
Тежок терет, носи душа
Плач од дете сал се слуша
Немир буден, уста соли
Мало дете, Бог си моли
Да ја врати, да ја крене
Стани мајко, дете вене
Снага силна, болест мрази
Мајка сили, да го пази
Тело болно, гори лава
Болна мајка, не се дава
И кога осамен во ноќ си буден
И кога пеколот, ко рај е суден
И кога немоќта, ко саат ти чука
Биди среќен да е тука