За да биде една жена вистински среќна, таа треба да има тројца мажи до себе. Современата дама има различни интереси, полна е со енергија и тешко може да го споделува своето слободно време само со еден маж. Или барем да му биде верна…секој ден.
Во последно време се забележуваат жени кои постојано лутаат, барајќи го својот идеален партнер. Во еден момент тие се откажуваат од потрагата по принцот и ја наоѓаат среќата во тоа да бидат сами. Сами, а не осамени! Денешните жени се енергични, самостојни и силни личности. Немаат ништо заедничко со жените од минатите епохи.
Според психолозите секоја жена мора да се прифати таква каква што е и да се сака себе си, за да може и останатите да ја ценат и почитуваат. За жал во последно време развојот на мажите стагнира и заостанува зад оној на жените и претставниците на силниот пол повеќе неможат да ги задоволат потребите на современата жена.
Една жена ќе биде вистински среќна ако има тројца различни мажи околу себе, при што не станува збор за интимни односи. Различните мажи го збогатуваат животот на различен начин и во тоа нема ништо лошо. Не е страшно ако жената си го шета кучето со соседот и си разговара со него на тема “животни“, чати со бившиот и флертува со симпатичниот продавач во локалното продавниче.
Во еден момент може да почувствувате дека меѓу вас и еден од многуте мажи за друштво се раѓа нешто. Наместо да ве оптеретуваат табуа и предрасуди, уживајте и радувајте се, можеби тоа е вашата идеална половина, која ја барате толку долго време.