Министерката од венецуелската влада, Марија Ирис Варела ги повика денес своите сонародници да ги избришат своите Фејсбук профили за да не бидат мета на шпиунирање од страна на САД.
Таа додала дека жртвите на шпиунажата од страна на “грингосите“ би требало да поднесат тужба и да бараат соодветна компензација, па со тоа да ја доведат владата на САД до банкрот.
Претседателот на Венецуела, Николас Мадуро во понеделникот го повика бившиот соработник на американската Национална агенција за безбедност, Едвард Сноуден, да одлучи дали сака да дојде во Каракас.
