Зошто македонките се толку специјални и посакувани?

Кого и да го прашате – без разлика од која држава е, каков социјален ранг има, дали е семеен, дали е млад или не толку, ќе ви каже едно – македонките се неверојатно убави! Такви се мислењата и на оние кои го свртеле светот и виделе доволно претставнички на нежниот пол.

Но да ја оставиме убавината за кратко на втор план. Вистината општо кажано е дека македонките се прекрасни и достојни за восхит! Зошто? Причините се сигурно многу повеќе, а ние ќе ги наведеме најважните.

Сексуалност

И овде не станува збор за добар физички изглед кој мајката природа им го дала на македонките во изобилство. Зборуваме за внатрешната сексуалност, која нашите девојки ја поседуваат. Не може да не сте забележале. Каде и да отидете – во продавница, на станица, во кафетериите, по улиците…ќе почувствувате огромна сексуална енергија и желба за живот, што гори во нашите убавици. Во Америка на пример на истите тие места ќе наидете на дебели тетки (дури и оние на 20-25 годишна возраст), апсолутно запоставени и на чие лице се чита досада и мрза.

Интелект

Без да ги броиме исклучоците, македонските жени се паметни, со богата општа култура и природно интелигентни. Дури и оние кои многу не се посветиле на учењето. Нашите девојки се остроумни, брзо сваќаат, брзо наоѓаат решенија и со тоа се навистина голема подршка за своите партнери. Додека европските шмизли, жителките на развиените држави, чекаат се на готово од мажите. Секојдневните проблеми кои тие ги решаваат се сведуваат на тоа со каква арома да биде омекнувачот за перење – портокал или лаванда? Освен тоа имаат апсолутно морално право да се разведат ако мажот западне во финансиска криза. При тоа и да го дозакопаат со солидна издршка. А после нашите жени биле материјалистки!

Толеранција

Нема што да се лажеме – тешко дека има потолерантни жени од македонките! Да, можеби е типично женски да негодуваат и мрморат, но во суштина се способни да те разберат и да ги простат и најголемите грешки! Нашите девојки сакаат да им угодуваат и да ги разгалуваат своите мажи. Се грижат за нив, работат подеднакво како нив и стојат рамо до рамо како вистински партнери.

И сето тоа странецот го забележал, го разбрал и го пофалил! И доаѓа болното прашање, зошто нашите мажи не само што не ги признаваат квалитетите на македонските жени, но дури и при секоја прилика ги претставуваат полоши од ѓаволот? Одговорете мажи…