Американецот Зак Соубиак (18), пејач и текстописец го привлече вниманието на светската јавност со својот неверојатен талент за музика и оптимизмот што го ширеше. Сакаше многу, но неговите планови ги прекина тешката болест.
На 14 годишна возраст му е дијагностицирана тешка форма на рак на коските, која најчесто ги напаѓа децата. Соибиак бил десет пати опериран, а бил и на повеќе од 20 хемотерапии. После дијагнозата почнал да пишува песни, а потоа оформил и бенд со своите пријатели.
Лекарите во 2012 година му рекле дека му преостанува уште година дена живот, а после тажната прогноза тој го напишал својот најголем хит Clouds кој до моментот на смрта достигнал над 3 милиони прегледи, а денес има 8 милиони.