Или Голема Албанија или нова Балканска војна!

Албанскиот политичар Кочо Данај смета дека Црна Гора треба да ги отстапи источните делови од својата територија каде воглавно живее албанска популација со цел тој простор да припадне на “Природна Албанија“.

Ако не биде формирана Голема Албанија, ќе има нова војна на Балканскиот полуостров, вели тој. Данај во своето интерјву вели дека сите албанци треба да живеат во една држава.

Тој вели дека на албанците со конференцијата во Лондон 2013 година им е нанесена голема неправда. На таа конференција е спречено обединување на сите албанци. Денес бараме обединување на сите албанци без војна, вели Данај.

Ефектот од создавањето на Голема Албанија би бил гаранција дека на Балканот веќе нема да има насилство. Во спротивно ни претстои нова балканска војна. Ако ја има Албанија во нејзините природни граници, тоа нема да се случи, дополнува Данај.

Запрашан како може да се создаде единствена Албанија за сите албанци, тој вели дека единственото решение е нова меѓународна конференција каде ќе се прецртаат новите граници на Балканот.

Во јануари оваа година водечките албански и косовски медиуми пишуваа за постоењето на футуристичка мапа на Европа која предвидува дека до 2035 година ќе биде создадена обединета и Голема Албанија.