Летен десерт без конзерванси!
Потребни намирници:
3 чаши млеко
2 чаши шеќер
1 пакетче ванилин шеќер
9 жолчки
3 чаши слатка павлака
½ кг јагоди
2 супени лажици шеќер
Инструкции:
Исипете го млекото со двете чаши шеќер во длабок сад и ставете го на среден оган.
Додадете го и ванилиниот шеќер и мешајте постојано. Во длабок сад издвојте ги жолчките и изматете ги со миксер околу 2 минути.
После тоа земете една голема лажица за сервирање супа од врелата смеса и многу бавно додавајте ја во садот со жолчките – целта е да не се пресечат жолчките. Повторете со уште една лажица од врелата смеса.
Веќе можете да ги исипете жолчките во тенџерето со останатата млечна смеса, но мешајте внимателно со дрвена лажица околу 2-4 минути. Треба смесата да стане густа и да лепи за лажицата.
Додадете ја течната павлака во садот и мешајте внимателно со цел да се изедначат убаво компонентите.
После тоа процедете ја смесата низ ситна цедалка за да нема грутчиња во сладоледот.
Исипете го сладоледот во пластичен сад со капак и оставете го во фрижидер околу 2 часа.
За тоа време направете го пирето од јагоди – јагодите се мелат во блендер заедно со двете лажици шеќер. Кога ќе се добие течно пире исипете ги во изладениот крем од јајца и измешајте добро.
Кога новата смеса е готова исипете ја во чист пластичен сад со капак и ставете ја во фрижидер. После 4 часа вашиот сладолед е готов за конзумирање.
