Пол Маркес 22, од Њујорк се обидел да го продаде бебето на неговата партнерка за 100 долари. Тој на интернет дал оглас со фотогрофии од двомесечното девојче со текст: “Бебе на продажба“.
Во обвинението се вели дека Маркес неколку пати излегол со мајката на бебето и сметал дека таа не му посветува доволно внимание. Лут поради нејзината незаинтересираност решил да го продаде бебето за да се ослободи од него и во огласот додал дека бебето сака да си игра но дека има астма “што му оди на живци“.
“Не ја сакам, ве молам контактирајте ме преку мејл“, напишал Маркес, претставувајќи се како татко на бебето.
Мајката за ова ја известила полицијата, откако некој ја побарал за да го купи бебето.