Сите сме се заглавиле барем еднаш пред врата без клуч. Како и многу други нешта, клучевите лесно се губат. Со истата помисла, компанијата “KeyMe” одлучи да најде решение за овој проблем.
Имено, тие креираа нова апликација со која ги сликате вашите клучеви, а потоа апликацијата ја “преведува” сликата во листа на бројки, односно големини на клучот. Со тие бројки, можете да направите идентична копија кај голем број клучари, за многу помала цена отколку да ја менувате целосната брава. Апликацијата е бесплатна, но кога ќе сакате да ја превземете листата на големини за вашиот клул, тоа ќе ве чини 10 американски долари, плус цената на услугата на клучарот. Моментално, апликацијата е достапна само за “iOS” софтверот за “Apple” уредите, а верзија за “Android” е во изработка, иако компанијата изјави корисниците да не ја очекуваат во блиската иднина.