Американската Национална агенција за безбедност ги прискушкувала иконите на борбата за граѓански права Мартин Лутер Кинг и светскиот првак во бокс Мухамед Али, како и други познати критичари кои го оспорувале учеството на САД во Виетнамската војна.
Во текот на 6 години програмата “Минарет“ ги вклучила под свој надзор Мартин Лутер и неговиот колега Витни Јанг , боксерската ѕвезда, но и новинари од “Њујорк Тајмс“ и “Вашингтон Пост“, како и двајца членови на американскиот Конгрес – сенаторот Френк Чрч од Ајдахо и сенаторот Хауард Бејкер од Тенеси.
После 40 години откриен е добро чуваниот документ на НСА кој е историски приказ за епизодата под назив “шпиунирање на оние кои лошо зборуваат, но не и незаконски“.
НСА соработувала со останатите американски шпиунски агенции со цел да направат поголема листа од критичари на Виетнамската војна контролирајќи ги нивните разговори со странство.
