Децата кои се зачнати “ин витро“, имаат поголеми шанси да заболат од рак. За жал овие деца имаат 33% поголеми шанси дека ќе добијат некаков тумор уште во младоста. Нивните шанси за добивање леукемија се поголеми за цели 65%, а 88% имаат поголеми шанси да се разболат од рак на мозокот и централниот нервен систем.
Истражувањето покажало дека самиот чин на лечење на неплодноста може да го смени начинот на кој се однесуваат поединечни гени кога се пренесуваат од родител на дете во процесот познат како “геномски печат“.
Одредени мутации на гените се поврзуваат со појава на рак уште во детството и младоста – тврдат експертите од Данската асоцијација за истражување на ракот.
Ин витро оплодувањето е меѓу најупотребуваните методи за лечење неплодност, а во светот секоја година се раѓаат десетици илјади бебиња зачнати на овој начин.
