Последниот викенд на октомври го поместуваме часовникот назад и така секоја година се враќаме на зимското сметање на времето. Тоа е затоа што секој последен викенд во март го поместуваме часовникот во спротивен смер и го користиме така нареченото летно време.
Системот на поместување на часовникот се користи за подобро да ја искористиме дневната светлина. Цела идеја се заснова на следново: Сонцето во јануари изгрева во 8 часот и заоѓа во 16, додека во јули изгрева пред 5 ,а заоѓа после 21 часот.
Не постои единствен планетарен систем и државите тоа обично го решаваат локално . Во Европа, без Исланд и Русија постои така наречено европско летно сметање на времето.
Системот се користи околу 100 години, од 1916 година, но предизвикал жестоки полемики во некои држави, како што е Русија.
Системот на поместување на часовникот не се користи во Кина, Јапонија, Јужна Кореја и дел од африканскиот континент каде оваа мерка никогаш не стекнала широка популарност.
