Дали ви се појавува во соништата и ве теши или пак ви станува најдобар пријател? Ако е така, тогаш и вие сте дел од илјадниците луѓе ширум светот кои го сонувале мистериозниот човек.
Како е возможно илјадници луѓе да го сонуваат истиот човек? Човек што никогаш реално не го виделе? Можеби за тоа најдобро е објаснато на веб страната наречена This Man.
Во јануари 2006 година во Њујорк пациентка на познат психијатар го нацртала лицето на човек кој редовно и се појавувал во соништата. Портретот лежел заборавен на бирото на докторот неколку дена, се додека друг пациент не го забележал лицето и изјавил дека и во неговите соништа се појавува истиот човек. Психијатарот одлучил сликата да ја испрати на колегите за кои знаел дека имаат пациенти кои се измачуваат од соништа што се повторуваат.
Наредните неколку месеци уште четворица го препознале човекот од своите соништа. Сите го нарекле едноставно “Овој човек“.
Од тогаш до денес над 2000 луѓе тврдат дека го виделе истиот човек во свите соништа. И феноменот се појавува во целиот свет.
Една теорија вели дека се работи за реален човек кој со помош на ментална манипулација им влегува во соништата. Други пак веруваат дека зад човекот стои ментална манипулација на големите корпорации.
