И додека ние сонуваме еден ден да облечеме барем еден од неговите фустани, познати личности имаат среќа да шетаат на црвениот тепих на гламурозните настани и да блескаат во неговите уникатни креации.
Дизајнерот успева повторно да го истакне гламурот кај жената во својата нова колекција за пролет-лето. Еден збор не е доволен за ја опишеме, но можеби комбинацијата од префинетост, елеганција и грациозност ќе се приближи до неговота вистинска идеја. “Да создавам облека со многу љубов секогаш бил мојот сон и се уште е “, сподели Зухаир .
Фустаните звучат чудесно, но и многу софистицирано. Линијата е богата со везови, фина чипка, апликации од бисери и цвеќиња. А ренмените од лисја се просто уникатни и на секоја тоалета и даваат доза на сјај. Колекцијата е создадена од пастелна палета, надополнета со романтични ткаенини.
