Во светот постојат места што претставуваат вистинска мистерија за човештвото, места за кои кружат различни приказни и неверојатни легенди. Нема човек кој не слушнал за Бермудскиот триаголник, а самата опција дека на тоа место исчезнуваат луѓе кај секого предизвикува сомнежи.
Пештерите Чикабул, Белиз
Овој пештерски систем создаден од реката Чикибул во централна Америка се смета за подземен свет на древните Маи.
Неговото име Ксибалбе во превод значи место на стравот. Всушност, станува збор за домот на „Господарот на смртта„ и неговите поданици кои сееле терор над локалните жители, кои пак морале да им принесуваат жртви.
Наводно, во пештерите сè уште можат да се слушнат криците на водачите на Маите како се борат со демоните, но сепак поголема е веројатноста дека се работи за повици од туристите.
Хотелот Стенли во Естес, Колорадо
Овој хотел во Колорадо бил инспирација за филмот „The Shining” на Стенли Кјубрик, со оглед на фактот дека авторот има признато дека слушнал детски гласови на духови по ходниците.
Други духови се видени по бањите, а копчињата на пијаното биле притискани сами од себе. Сепак, велат дека повеќето од тие духови биле пријателски настроени.
Проблемот очигледно беше во Џек Николсон, кој не можеше да ги поднесе.
httpv://www.youtube.com/watch?v=WDpipB4yehk
Шумата Аокигара во Јапонија
Оваа шума во подножјето на планината Фиџи се смета за најпроколнато место во Јапонија, бидејќи луѓето веруваат дека токму тука живеат духови, гоблини и демони.
Локалните легенди велат дека во дрвата се наоѓаат лица кои врискаат, а лоша репутација придонесе и големиот број на самоубиства кои токму тука се случуваат. Според приказните, ова е второто место по ред на самоубиства, по мостот Голден Гејт во Сан Франциско.
Дури и јапонскиот писател Ватару Куруки во книгата „Комплетен водич за самоубиства” шумата ја нарече „совршено место за умирање”.