Голем дел од тајните податоци кои Едвард Сноуден ги украде од своето работно место, веројатно денес се во рацете на руските служби, предупредуваат американските конгресмени.
95% од податоците кои Сноуден ги украл се однесуваат на американската војска. Тоа се тактички и стратешки информации за кои веруваме дека сега се наоѓаат во рацете на Русите – изјавил конгресменот Мајк Роџерс.
Русите ќе имаат голема полза од тие информации. Во тие докумети има и такви за кои сметаме дека ќе бидат злоупотребени и од страна на кинеската војска – додава истиот.
Роџерс ова го изјавил врз основа на извештајот на Пентагон каде е извршена анализа на податоците кои Сноуден ги украл, а станува збор за околу 1,7 милиони документи.
Руските агенти сега имаат детален увид во деликатните и тајни податоци за американската воена сила благодарение на Сноуден!
Сноуден во октомври голем дел од документите оставил на новинарите во Хонг Конг, пред да одлета за Москва, што значи дека и Русите и Кинезите имаат бенефит од она што Сноуден го направи.