Венус е мистериозна мачка која стана хит на интернет. Сигурно се прашувате зошто? Одговорот на тоа прашање е мошне едноставен…само еден поглед е доволен за да сфатите зошто.
Венус има две лица, едната страна е црна со зелено око, другата кафена со сино око. Лесли Лајонс, професорка на универзитетот во Калифорнија, која проучува генетика, вели дека никогаш до сега не видела мачка како Венус.
Таа е екстремно, екстремно ретка, вели Лајонс. Но оваа појава сепак е возможна и може да се објасни.
Оваа мачка потсетува на митолошката Химера, меѓутоа терминот химера е познат и во генетиката – опишува животни чии клетки содржат два вида ДНК, што е последица на спојување на два ембриона.
