Ирис Грејс Халмшоу има само 3 години, боледува од аутизам и сака да слика. Таа тоа го прави за да добие фокус и концентрација, а резултатите се апстрактни и импресионистички.
Нејзините слики потсетуваат на делата на Моне.
Во уметничките кругови веќе се зборува за нејзиниот талент. Приватен колекционер купил две нејзини слики по цена од 1500 фунти, а закажана е и соло изложба на нејзините дела во Лондон.
Ирис не може да зборува, другите деца и пречат и ја прават нервозна, а мислите за иднина ја исполнуваат со страв и паника. Но уметноста ја смирува и сега тоа е составен дел од нејзината терапија.
