Постојат многу начини на кои психолозите можат да го утврдат профилот на жената – по облеката, по пијалокот кој го пие, по одењето… Излезе дека можат и по карминот! Да, многу чудно, но според нив начинот на нанесување издава многу за карактерот. Ајде да видиме. Извадете го карминот од чантата, отворете го и видете го неговиот облик (само да не е чисто нов) со кој број од сликата се совпаѓа.
- Ако карминот ја задржал својата малку изострена форма, значи станува збор за практична, сигурна жена која знае што сака. Делува веднаш и не губи време за ситници. Освен тоа таа е многу добра и во кревет.
- Рамномерно заоблениот кармин зборува за ладнокрвна жена која ги должи успесите најмногу на нејзината сигурност и планирање. Секогаш е неколку потези напред. Самостојна, може да се грижи за себе, силен карактер. Единствено што и недостасува е уште малку смисла за хумор.
- Карминот со нејасна форма зборува за дама која се грижи и за најмалото нешто. Многу емоционална, да не кажеме и премногу. Но многу често пред другите става маска на уверена жена. Обожава романтика.
- Карминот, заострен како молив, зборува за жена со голема самодоверба но и себичност. Оваа жена секогаш ќе ги стави своите потреби и желби пред желбите и потребите на другите. Не се спријателува лесно и секогаш некој друг и е виновен.
- Рамниот кармин зборува за бесрамна жена. Таа секогаш наоѓа заеднички јазик со луѓето. Понекогаш е расеана и кажува нешта со кои навредува, но да знаете дека тоа не и била целта. Затоа што злобата и омразата се за неа непознати чувства. Таа е верен пријател и верен партнер во животот.
- Карминот со форма на “тап молив” е многу редок и соодветно зборува за нестандардна жена, која често го менува расположението и секогаш е непредвидлива. Вие очекувате една реакција, а таа го прави токму спротивното. Инаку има многу оригинално размислување кое секогаш ги импресионира мажите.
- Нагло отсечениот кармин е знак за жена со имагинација, која има потреба да и се додворуваат. На работното место е исклучително одговорна и строга. Во љубовта, сепак, е склона на авантури.
- Карминот со форма на пресечен конус е знак за весела, нежна, чувствителна жена, која е и одличен познавач на карактери! Тоа значи дека тешко може да ја излажете и може да ги види скриените лоши намери зад вашата насмевка. Умее да создава атмосвера во домот и да го направи мажот до неа многу среќен, под услов тој да одговара кон неа со почит.
