Зухаир Мурад многу добро знае како да си го задржи своето место во женските срца. Либанскиот дизајнер инстантно привлече бран комплименти по објавувањето на колекцијата ресорт 2015.
Очигледно новата доза инспирација Мурад ја пронајде во Африка. Сафари стил во елегантна варијанта, долги вечерни тоалети кои потсетуваат на египетските божици и геометриски форми „позајмени“ од традиционалната облека на африканските племиња создаваат визуелен моден спектакл кој нема да сакате да заврши.
Од друга страна привлекуваат и гламурозните фустани со „принцеза“ силуета, како и креациите со навезени декорации кои им стојат како тетоважи на кожата на моделите.
Загадочна, женствена, грациозна и разнолика, колекцијата на Мурад е сѐ, но не и моден спој кој ќе остане во заборав.
