Светските нутриционисти и оние кои веќе испробале многу диети често ја истакнуваат ефикасноста на т.н. Американски диети. Таа се заснова на целосно исклучување на јаглехидратите.
Така организмот се ослободува од наслагите на сало. Колку помалку јаглехидрати, толку побрзо се топат масните наслаги.
Со оваа диета нема да бидете гладни и нема да треба да ја премерувате, ниту посебно да ја подготвувате храната.
Првите 6 дена се губат 5 kg, а секој следен ден по 1 килограм. Ја држите онолку денови колку што сакате да симнете килограми.
Важно: Ако во текот на диетата изедете макар и најмало парче леб или каква било друга ситница која содржи јаглехидрати, автоматски се прекинува топењето на вашите масни наслаги.
Што е дозволено да јадете?
Сите врсти месо: Варено, печено, на скара, сушено или од конзерва, освен виршли.
Сите врсти риби: свежи, замрзнати или од конзерва.
Сите врсти салати: без ограничување.
Сите врсти зеленчук: свеж, готвен или туршија. Зачинет и незачинет.
Може да пиете: минерална вода, тоник, обична вода, црно кафе, сите видови чај без шеќер, шеќерот може да го замените со натрен. По шестиот ден дозволено е бело вино, лимонада и лимон.
Што не смеете да јадете?
Леб, компир, брашно, ориз, леќа, грав, лебни трошки, панирано месо, тестенини, кикирики, лешници, виршли. Не смеете да правите запршка на ниедна манџа.
Сите видови млечни производи: Ниеден вид сирење, кашкавал, сладолед, десерт или грицки кои содржат млечни траги.
Овошјето е строго забрането, бидејќи содржи природни шеќери.
Земајте витамини
Со оглед на тоа што во дел од храната која ви е забранета со оваа диета се содржат витамини и минерали кои му се потребни на вашиот организам, потребно е да му ги дадете дополнително. Затоа редовно пијте витамини препорачани од матичниот лекар.