Пред неколку дена светските медиуми пишуваа најразлични теории за тоа зошто Путин десет дена се нема појавено во јавноста. Некои медиуми шпекулираа дека починал, други дека бил извршен државен удар врз него, а самиот Путин вчера изјави дека животот би бил досаден без трачеви.
Овој човек привлекува огромно внимание во јавноста не само затоа што е лидер на Русија, но и поради неговата интересна личност.
Business Insider одвои неколку интересни факти за неговиот живот кои се доказ дека Путин не е човек со кој секој може да се шегува:
1. По дипломирањето Путин работел 16 години во КГБ каде бил обучен за таен агент како во стилот на Џејмс Бонд.
2. Не му треба оружје за да „среди“ некого, тој има црн појас во џудо и црн појас во карате.
3. Голем љубител е на моторите, но и на брзите автомобили. Еднаш има возено Renault F1 со максимална брзина од 240 километри на час.
4. Одлично знае да игра хокеј, на фотографијата го води тимот во пријателска игра против Финска.
5. Исто така ужива и во надворешни спортови како ловење, риболов и планинарење.
6. Во 2009 година тој пливаше во пеперутка стил во ледено езеро на Сибир.
7. Како искусен риболовец може да се пофали со добар лов во Сибир.
8. Знае и сака да лета со авиони и борбени летала за време на тренинзи.
9. Учествувал во различни научни мисии, во една има погодено 5-годишен тигар со средство за зашеметување, со што научниците можеа да му стават уред за следење.
10. Истото му успеа и со поларна мечка во 2010 година.
11. Има учествувано во различни подводни, археолошки и нуркачки мисии.
