Пророчицата Ванѓа зад себе остави многу мудри совети, што се пренесуваат низ генерациите. Споделуваме неколку од нив, посветени на доброто здравје и правилната исхрана.
1. Светот започна со билки – запомнете го тоа. Но, билките на секоја земја ги лекуваат само луѓето кои живеат во неа. Секој треба да се лекува со своите билки!
2. Движете се повеќе и работете. Мрзеливоста е болест која ве оштетува како морално, така и физички. Загадувањето – физичко или духовно, е спротивно на она што е создадено од Бога.
3. Вие самите ги загадувате Земјата и храната со отрови. Потоа доаѓате и се жалите за тоа колку луѓе фатиле рак, колку нови болести се појавиле … Вразумете се побрзо, во спротивно ќе страдате.
4. Лекарствата ги затвораат вратите низ кои што можат да влезат билките и да го излекуваат болниот организам. За секоја болка постои билка.
5. Повеќето болести доаѓаат од настинка. Затоа не стојте во влага и не пијте ладна вода.
6. Немојте да бидете нервозни, не живејте со страв! Ако треба, обратете се на невролог, одете на лековити бањи, смирете се. Со страв не се живее!
7. Често пијте чај од шумско овошје или растенија – тие се чисти и се извор на здравјето. Минимум еднаш неделно јадете варено жито. Пијте многу вода за го прочистите телото и да добиете сила.
8. Зошто пушите? Ако беше правилно, и мажите и жените ќе имаа оџаци на главите. Оставете го тутунот, живејте подолго и без болести.
9. Не се плашете од болестите. Имајте вера.
10. Постојат два вида на болести. Едните ги лекуваат доктори, другите – баби. Најважно за третманот е да ја знаеш дијагнозата.
11. Земјата е нашата заедничка мајка, мислете за неа како за жив човек. Почитувајте ја Земјата, таа ни дава храна, не трпи, додека не се замори од нашите дејствија… И тогаш ќе не казни. Вразумете се навреме, инаку ќе страдате долго.
12. Уште пострашен од најлошата болест е очајот! Не очајувајте, бидејќи тоа ве разјадува одвнатре. Гледајте на животот со ведрина.