Српскиот ватерполо репрезентативец Никола Раџен падна на допинг тестот по еден натпревар на Олимпијакос, тимот за кој во моментов настапува.
-Точно е дека ФИНА ги прати прелиминарните резултати од допинг тестот кој го правев во Мадрид до Ватерполо сојузот на Србија. До завршување на постпката нема да давам изјави, напишал Раџен на Твитер.
Според правилата кои неодамна се усвоени, на Никола му се заканува суспензија од четири години доколку навистина во постапката се потврди дека користел кокаин или некое друго недозволиво средство. Казната не се однесува само на играњето, туку и на било какви спортски активности.
Со оглед на тоа дека ватерполистот, кој е сопруг на српската пејачка Ана Кокиќ има 30 години, суспензијата би можела да значи и крај на неговата кариера.
Доколку истата биде потврдена, српската ватерполо репрезентација ќе биде значително ослабена на Светското првенство во Казањ, Русија.