Со совршениот изглед, беспрекорниот тен и одличната телесна форма навистина е тешко да се поверува дека моделот Кенди Ло, мајка на три деца од Кина, има 50 години, пишува Daily Mail.
Веќе три децении Кенди се занимава со мода, а во 1991 година ја има освоено титулата Мис на Азија. Интересно е што оттогаш таа се има променето, но на подобро.
Во меѓувреме, оваа младолика Кинеска се занимавала со актерство, а потоа се омажила и родила три деца. По разводот пред две години таа сама го одгледува најмалото дете.
Деновиве на Instagram таа објави фотографии од нејзиниот најнов проект, фото книга чиј приход од продажба ќе биде наменет за деца и жени, жртви на домашно насилство.
