Сингапур е еден од најскапите градови во светот, но за иселениците претставува едно од најпопуларните места за живеење и работa, стои во годишниот извештај на HSBC.
Експертите го рангираа Сингапур како најдобра дестинација во светот пред Нов Зеланд, Шведска, Германија, Австралија, Канада и Швајцарија. Сингапур нуди одлични можности за напредок во кариерата, има стабилна економија и добар животен стил, покажало истражувањето.
Во анкетата учествувале 21.950 луѓе од 39 земји. Околу 59 проценти од иселениците сметаат дека Сингапур е добро место за нивната кариера, додека 53 проценти сметаат дека ќе совладаат повеќе нови вештини во Сингапур отколку дома. Околу 65 проценти сметаат дека здравјето на нивните деца е подобрено откако се преселиле во Сингапур. Истото важи и за образованието на децата, иако е поскапо. Истражувањето покажало дека Сингапур е исто така одлична дестинација за започнување на нов бизнис.
Ова се најдобрите земји за иселеници според истражувањето:
1. Сингапур
2. Нов Зеланд
3. Шведска
4. Бахреин
5. Германија
6. Канада
7. Австралија
8. Тајван
9. Обединети Арапски Емирати
10. Швајцарија