Една девојка се преправаше дека е пијана на сред бел ден, за да ја видат реакцијата на мажите. Веднаш ќе ви кажеме дека ќе бидете разочарани…
Имено, клиниката за рехабилитација “Centro Europeo Neurosalus” на YouTube објави 10 минутно видео кое покажува оскудно облечена актерка со шише пиво во раката како стои на улиците на Мадрид во пет часот попладне.
Мажите и приоѓаат, но не за да и помогнат, туку за да и сугерираат да испие уште повеќе алкохол и пробуваат да се зближат со неа.
“Ова што ќе го видите е нешто повеќе од социјален експеримент”, вели на почетокот режисерот на видеото и додава дека на актерката и било кажано да практикува исклучиво пасивно однесување, како и јасно да стави до знаење дека испила премногу, дека е изгубена и дека не знае каде и се пријателките.
Со оглед на тоа дека ова се случува во попладневните часови во работен ден, режисерот се прашува што би се случило да станува збор за петок или сабота навечер.
Ниту еден маж во видеото не и понуди помош на оваа девојка, освен да ја однесе во хотелска соба, бидејќи само таму има полнач за нејзиниот мобилен телефон на кој му се испразнила батеријата.
https://www.youtube.com/watch?v=a2ToMQsGSnY