Најмалку 233 лица загинаа, додека повеќе од 580 се повредени во разорен земјотрес кој го погоди Еквадор, соопшти претседателот на таа земја Рафаел Кореа. Спасувачите се уште се обидуваат да дојдат до преживеаните кои се затрупани во рушевините.
Земјотрес со јачина од 7,8 степени по Рихтеровата скала денеска го погоди Еквадор, каде се срушени поголем број згради и еден надвозник, пренесоа локалните медиуми.
Според податоците на американскиот Геолошки завод, епицентарот на земјотресот, најсилен кој го погодил Еквадор од 1979 година, бил на 27 километри југоисточно од Муиснеа, слабо населено подрачје.
Во Еквадор прогласена е вонредна состојба, а властите ги повикаа луѓето да не паничат.